10月，又是家长忙于决定是否要替子女报读预备班PN(Pre-nursery)或N班的月份。有家长对于是否应给刚刚识讲几句话的一岁多儿子报N班忐忑不安，以下为家长和我的讨论：

赵为本人 家为家长

家：赵Sir，我想请教，究竟应否俾我刚刚识讲几句话嘅仔报N班，我十五十六唔知点算？

赵：其实唔使咁不安，喺香港，「九年强迫教育」由小学一年班开始，N班唔係一定要读，就算幼稚园都唔係一定要读，不过，家长大部分相信「嬴在起跑线」，所以，不但叫啲子女读幼稚园，连预备班(N班)都读埋，我唔反对小朋友读幼稚园，但我认为N班就要睇情况喇！

家：其实N班係学乜嘢，与幼稚园有何不同？

赵：N班是预备小朋友升读幼儿班(K1)至幼稚园(K2-K3)的级别，课程与幼稚园大同小异，例如学习与培训表达能力、自理能力、社交能力、认知能力同理解能力等，重有，培训小朋友戒用尿片。

家：赵Sir，如果我要返工，屋企老人家又唔识训练小朋友以上各种能力，係唔係应该一定要送个仔读N班？

赵：同意，除非你个仔学得特别快，适应得特别好，唔读N班，直入K1(幼儿班)，完全唔使适应，咁就唔需要读N班；否则，一般冇读过N班的小朋友都会喊呱一个礼拜，先至接受要离开屋企的爸爸妈妈，走去学校上课这个事实。

家：如果我全职凑仔，可否自己培训子女嗰几种能力？

赵：当然可以。上一代的爸爸妈妈都係自己喺屋企凑大啲仔女架；不过，现在的家长，唔係个个都有咁嘅耐性、爱心同狠心来教个仔。

家：你话教仔要爱心同狠心？

赵：对，爱心令佢有安全感，狠心令佢有纪律，做事要有底线，过了底线爸妈使会狠心叫停。

家：明白，咁样讲法，即係话要返工的，屋企冇人识教的家庭，一定要送小朋友读N班。除此之外，重有其他情况要送小朋友读N班吗？

赵：有，有些幼稚园的N班毕业生可以直升K1，如果你想读这种幼稚园，你最好送小朋友读佢嘅N班！

家：我K1先至报读唔得咩？

赵：得，但係K1学位因住俾N班毕业生佔用咗，余额太少，恐怕你个仔好难入到了，所以，想读呢种幼稚园，惟有早一年读佢嘅N班！

家：明白，你唔讲我都唔知。多谢赵Sir！

赵：不用客气！

作者︰赵荣德

其他文章︰

【赵荣德】幼稚园与小学无「一条龙」校只有「龙校」

【赵荣德】幼稚园面试常问家长的5条题目