有家长用以下自以为是的方法，在家裏训练小朋友，作考幼稚园的準备，她走来和我讨论，要我给她意见。我发觉她的方法全都是教子女的「迷思」(Myths)。各位想知道我怎样破解她的「迷思」，一定要细心阅读我们讨论的内容：

赵为本人 ? ?家为家长

家：我知道免费幼稚园之弱项为英文，为了补救，因此第一个方法为「在家中全英语对话」。我和丈夫及菲佣姐只和个仔讲英文，咁样希望个仔考稚园面试时用流利英文作答，机会大好多。

赵：如果你準备个仔考国际幼稚园，在家「全天候」同佢英文被取录机会应该十分高，但如果你準备同佢考免费幼稚园或私立独立幼稚园，就有麻烦，因为差不多全部免费幼稚园都用广东话考面试，你个小朋友只识讲英文，广东话对佢来讲係「火星文」，面对「火星文」，佢一定慌忙失措，唔知点算，就算係私立独立幼稚园，却唔係间间用英文考的，万一用到中文考，你个仔一定讲到「古灵精怪」。

家：係呀，佢会用英文口音讲中文，句子尾会提高声音，比较古怪。

赵：咁样讲法，好难收服佢，我提议你哋两个，爹哋同佢讲中文，妈咪同佢讲英文，等佢好好学懂两个语言，考免费幼稚园同私立独立幼稚园仲实用。第二个方法係乜？

家：明白！第二个係「『全天候』在家照顾个仔」。所谓「全天候」，无论衣、食、住、行，我们照顾到个仔无微不至，等佢一啲都唔使操心，何如：一起身我会帮佢着衫，同佢準备早餐，佢唔识食我哋会餵佢，去街会帮佢着鞋，咁样，佢一定感受到我哋爱惜佢。

赵：俾小朋友感受到妈咪爹哋爱惜，固然令佢有安全感，但係亦唔需要样样帮到十足，例如着衫，第一次你可以帮佢着，第三次教佢试吓自己着，食早餐初时可以餵，慢慢就要佢学习自己食，千祈唔好过份照顾，因为过份照顾会令佢依赖你，爱之过足之害之，果阵时爱便变为纵，你纵容佢，佢便自己唔可以独立了！第三个方法係乜？

家：第三个方法係「单向在牀上讲故事(Bedtime story )」。我哋会每晚喺佢瞓觉前，同佢英文或中文故事。我哋会负责讲，佢静静地听，我相信个仔会觉得温馨。

赵：同意。其实牀上讲故事，除咗建立亲子关係，仲可以令小朋友学讲多种语言，点样学呢？你可以把讲故事，由单向变成双向，由爹哋或妈咪读，改为你哋读完到个仔读，同时要大声朗读，俾个仔朗读嘅好处係佢会更加集中精神，注意每个字的读音、教事的内容及情节嘅发展。

有时间你哋仲可以5W (who, when , why, what, how)来问一些简单题目，增加小朋友的阅读兴趣。

家：係喎，一石二鸟，既可以亲子，又可以俾个仔「听、说、读」一个语文，多谢赵Sir 提供意见。

赵：不用客气，讨论过之后，我知道你一定会懂得点样喺屋企準备小朋友考心仪幼稚园了！

作者︰赵荣德

其他文章：

【赵荣德】Playgroup是否一定要读??