【香港国际学校排名2022】一文睇哂入学条件、学费、学制

　　唔少香港家长喺幼稚园、小学、中学选校嘅时侯都会对国际学校情有独钟，而国际学校每年嘅学额都供不应求。为人父母永远都想俾最好嘅嘢仔女，而吸引一众家长即使争崩头都要仔女入去国际学校读书嘅当中一大原因系因为俾国际学校嘅双语学习环境吸引。但每间国际学校都各有特色，睇到眼花了乱唔知应该拣边间好？小编今日就为大家整合咗有关本港国际学校嘅资讯，睇落去一定帮到你！

　　香港国际学校入学条件

　　国际学校主要系外籍人士嘅仔女，不过好多都欢迎本地学生申请。但如果想喺国际学校读书，家长就要特别留意小朋友嘅英语能力，因为唔少国际学校都期望自己嘅学生不论系国际生定系本地学生嘅英语能力要接近流利(native)。为咗测试面试学生嘅英语水平，大部份嘅国际学校都会有英文入学笔试同即场面试，学生必须要通过咗先可以入读，所以家长帮仔女报读国际学校嘅时候要特别留意同尽早要训练吓佢哋嘅英语水平啦。

　　英文能力固然重要，但家长同仔女都要留意翻每间国际学校各自嘅收生要求甚至系优先取录条件。例如耀中国际学校，如果有兄弟姐妹喺耀中就读或者系耀中校友嘅仔女，都会有被优先取录。而某啲国际学校都会有地域收生要求，就好似沙田学院要求学生要居住喺新界同少部份九龙地区，住喺港岛嘅家长就可能要另觅一间心仪嘅学校啦。

　　香港国际学校招生程序

　　唔少国际学校都有自己一套嘅收生时间表，当中主要会分咗循环招生同下一学年招生。循环招生一般系指全学年只要有任何年级有空余学位，都会接受入学申请同进行分班测试或者面试（如启历学校同弘立书院），如果通过咗就可以入学啦?

　　而新学年招生亦都系国际学校最常见嘅收生方法，就好似英基学校协会(ESF)，新学年将会喺9月接受入学申请 (留意翻Grade1同Grade7报名同截止日期都有唔同?)，并会喺10月截止报名，如果逾期申请嘅话更加会排喺轮侯名单(waiting list)。要特别留意有啲国际学校更加系唔会接受逾期申请?，唔小心错过咗报名日子就唔抵啦！

　　虽然唔同学校都会有自己一个嘅收生日程，但一般都系跟以下嘅时间，家长记得要密切留意心仪国际学校嘅网页啦。

　　国际学校学制

　　唔少家长喺拣国际学校嘅时候都唔喺好清楚唔同学校所行嘅学制，而且都会对入学年纪同国际学校衔接嘅年级有所疑惑?！其实香港国际学校所行嘅主流学制有英国、美国同加拿大。行英国学制嘅学校要五岁先可以就读一年级，而中学会读七年，所以由小学到读完中学一共要十三年。而行英国学制嘅国际学校都有分唔同考试类型?，例如公开试考IBDP（亦称IB）嘅有英基、德瑞国际学校等；亦都有国际学校会考A-Level例如启历国际学校。

　　而美国同加拿大学制同香港学制一样都系要六岁先可以读一年级，小学同中学一样都要读十二年。美国学制考嘅考试类型系SAT，而行呢个考试制度嘅学校有香港国际学校、基督教国际学校；行加拿大学制嘅国际学校主要会行OECD同Alberta，而行呢两个考试制度嘅学校例子分别有地利亚加拿大学校同宣道会刘平斋纪念国际学校等等。家长喺拣国际学校嘅时候记得要考虑埋佢哋嘅学制同入学年纪呀！

　　国际学校学额

　　随着家长对於国际学校嘅需求不断咁上升，学校学额嘅竞争都非常激烈。其实唔少国际学校都会加开学额，截止 2021/22 年数据，国际学校中小学嘅学额合共有 45587 个，当中中学系有 20864 个，而每一间学校的位置都不一样嘅，家长要睇翻心仪学校每一年调整嘅学位数量啦。

　　学费同债券制度

　　相信唔少家长都有听过要读国际学校除咗每年都要交学费同留位费之外，系要买佢哋机构嘅私人债券/企业债券/本金券去作为优先取录机会，咁系因为大部份嘅国际学校都系以私人机构营运，系冇接受任何政府的资助嘅，所以发行债券系为咗学校基建或发展新课程项目而自行筹资之用。但要留意每间国际学校嘅收费形式同政策都会有所不同，例如债券嘅价钱、系咪可以喺二手市场转手、债券系咪可以归还、变卖债券嘅利润系咪要同学校对分等等。家长亦要注意买咗债券唔代表校方一定会录取学生而可能只代表会优先考虑仔女，所以家长喺买债券之前记得要好好衡量自己嘅经济能力呀！其实本港仲有好多国际学校唔需要买债券而只系考虑入学成绩，名声都唔错?，家长?落去「全港国际学校比较」就可以知得一清二楚啦！

　　香港十大国际学校排名

　　（排名以公开试成绩大约评估）

　　德瑞国际学校

　　德瑞位於太平山，分别设有幼儿教育、小学、同中学。德瑞都系行英国学制，提供英国式同德国式教育，不过就系考 IB，而德瑞嘅 IB 成绩十分之优异，喺 2021 年公开试成绩当中，学生 100％ 合格，并且有 7 个学生攞到 45 分满分，所以唔少学生都可以考入名牌大学，令到德瑞一直成为国际顶级 IB 学校。详情查阅学校网站。

　　法国国际学校

　　法国国际学校位於湾仔跑马地，提供幼儿教育至十二年级的课程。佢有得拣考 IB、IGCSE、DNB同 BAC 考试体制嘅学校，2021 年成绩当中，考生系 IB 同 IGCSE 入面都获得 100% 合格率，IB平均分系 37.8 分，而 IGCSE 更加有超过9成人有A*-C嘅成绩添！

　　呢间学校设有国际部 (International Stream)同法语部 (French Stream)，另外仲除咗俾中学生学习普通话之外，仲可以拣学习西班牙文，德文同拉丁文添！详情查阅学校网站。

　　沪江维多利亚学校

　　沪江维多利亚学校系位於香港仔，提供幼儿教育至十二年级的课程，同大部份国际学校一样都系行IB制，而且公开试成绩都好顶尖，2021 年 IB 成绩入面有 3 位同学考获满分 45分，2 位同学考获 44 分。

　　而沪江维多利亚学校系全香港第一间取得国际文凭小学、中学同埋预科项目认证嘅「 一条龙 」国际学，唔少家长都会慕名而帮小朋友拣呢个学校。而且呢间学校亦好注重双语教学，每一堂都会有两位老师，一位负责英语教学；一位用普通话授课，所以同学仔嘅语言能力都系十分之好嘅！详情查阅学校网站。

　　沙田学院

　　沙田学院位於火炭，佢系英基学校协会旗下一学校，而只系提供中学程度课程，同其他英基学校一样都系行英国学制同考IB、IGCSE制。而佢地每年嘅IB成绩都非常标青，系2021年公开试成绩入面系足足有8个45分状元，成绩认真犀利！

　　而沙田学院嘅学生有成足足30多个国籍，学生系学校入面读书都可以有机会接触到唔同国藉嘅同学仔！详情查阅学校网站。

　　汉基国际学校

　　汉基国际学校校址位於北角宝马山校园径1号，设有幼稚园、小学及中学部。而同其他国际学校唔同，汉基更为注重中国语言同中华文化教学，全校学生由小学到中学课程都要学习中英双语，统一接受普通话同英语训练，不过学校会提供一定嘅帮助，即使系无中文学习背景嘅学生一样可以申请?。

　　汉基行嘅考试制度系IB，学生100％合格，学生平均分40.29分，比全球平均32.99分高出7分！成绩绝对喺十分之突出呀。详情查阅学校网站。

　　香港李宝椿联合世界书院

　　香港李宝椿联合世界书院位於马鞍山，而呢间学校只系提供中学课程，全校只系得两级?咋，采用嘅考试制度都系IB，并且成绩一向都好标青，2021年毕业生更加系有唔少入读咗剑桥、香港大学同其他Ivy Leagues嘅大学?！

　　而李宝椿有多元化嘅学生背景同组合，学生来自全球80个国家，加上佢哋班级人数好少，一斑通常平均大约有16人，可以令到学生可以深入对世界上唔同文化。另外，李宝椿作为一间寄宿学校，老师同学生都系住喺校园入面，可以训练学生独立生活。详情查阅学校网站。

　　弘立书院

　　弘立书院中学部位於薄扶林，一间以中西文化合璧嘅国际学校，提供一至十二年级的课程，主要系以普通话及英语沉浸式教育。弘立都系一间行IB考试体制嘅学校，2021年成绩当中，考生获得100% 合格率，平均分系40分仲有三位同学攞到得 45满分佳绩添！

　　另外，弘立书院嘅一大特色系小班教学，务求令到每位学生都可以得到最大嘅学习效益；小学每班学生人数不多於20人，而中学每班通常都会少於22人。详情查阅学校网站。

　　哈罗香港国际学校

　　香港哈罗系2012年建校位於屯门扫管笏，系第一间提供宿位嘅寄宿学校，学生可以由幼稚园K3读到十三年级(Grade 13)，不过要去到六年级(Grade 6)先可以寄宿。哈罗亦都系一间行英国学制同考试制度嘅国际学校，喺九年级(Grade9)至十一年级(Grade 11)会先考咗IGCSE；而十二年级(Grade 12)到十三年级(Grade 13)就会考A-Level。

　　哈罗近年公开试成绩十分优异，喺旧年A-Level成绩入面超过6成同学有A*-A成绩，而9成同学仔都考到A*-B成绩，有5位学生更加系俾剑桥收咗添！作为全球四间哈罗分校之一，教学质素有一定保证?！详情查阅学校网站。

　　香港加拿大国际学校

　　香港加拿大国际学校位於黄竹坑，提供幼儿教育至十二年级的课程。佢哋行嘅系加拿大学制，而特别嘅位系佢哋系加拿大以外唯一一间学生可以同时获得OSSD (安大略省中学文凭) 同IB文凭嘅学校。而佢哋2021年嘅IB公开试成绩亦都非常好，同样都系100％合格，而当中有6位同学攞到满分45分添。

　　而最近香港加拿大国际学校更加系被《剑桥策略创新800》评为全球最具创新性学校之一，致力培育学生创新思考同潜力。详情查阅学校网站。

　　香港国际学校

　　香港国际学校位於大潭，提供幼儿教育至十二年级的课程，行嘅系美国学制。香港国际学校考嘅公开试类型系SAT，平均分系1350分，而且有八成的中学毕业生能考入美国大学，成绩十分之优异！

　　香港国际学校提供咗好少有嘅美式教育，佢哋会举办好多课外活动，例如有实习(internship programme)、跨学科研究、社区服务等，适合各种能力嘅同学仔。详情查阅学校网站。

　　全港国际学校比较

　　以下资讯只包括国际学校中学/中学部

　　读International School嘅好处

　　随着社会对大众嘅英语能力要求不断提高，而读国际学校一个好大嘅优势就系学生可以长时间沉浸喺英语环境，老师嘅双语教学可以令到学生由细学识讲英文，直接有效咁提升佢哋嘅英语表达能力，不论喺对话、写作定阅读能力都会亦相对强，对将来学习、工作、甚至生活都有莫大嘅帮助。

　　国际学校除了提升仔女嘅外语能力，仲可以加强哋全方位能力同有多元发展。因为国际学校所提倡嘅学习模式都比较接近外国嘅自主学习并且主张「多理解少硬背」，老师唔会催谷学生学习反而会鼓励佢哋上堂多啲举手发问，务求令学生可以完全理解同吸收上堂学过嘅知识，仲可以训练佢哋嘅独立思考。正所谓「读万卷书不如行万里路」，国际学校会有好多活动教学，例如汉基会举办汉基·哥伦比亚大学商学院暑期夏令营，少啲功课同测验，学生自然少咗学习压力，仲会多咗时间去玩同增广见闻！而且学生少啲压力底下会有更大嘅自由度去发展和主动学习自己有兴趣嘅事物，例如系阅读同玩运动。

　　希望咁多位家长睇完以上嘅资料，都了解更多关於香港嘅国际学校，尽早准备，可以顺利入到心水嘅学校！