其实Aidan 的PN全日班读得好好，学校的老师和姐姐都非常有爱心和耐性，佢好锺意返学，而且仲培养到好好的作息时间，所以都谂过在原校升读。
当初选择这间学校係因为考虑到小朋友仲细，想拣一间近屋企的。

但考虑到正式读幼稚园后就会参加兴趣班，所以想转一间半日制的幼稚园，方便下午可以去上兴趣班，做功课和有玩乐的时间。

分享一下Aidan的幼稚园面试，我哋因为吸取朋友的经历，怕面试日子会撞期，所以帮仔仔申请了10间，最后真係有好几间都撞日子，但好彩时间有不同，我哋最后都成功见晒10间学校。

仔仔每间面试的表现都唔错，佢好享受面试的过程，喜欢听指令。

安妮妈妈集合咗小小面试心得想同大家分享:
***面试内容
通常一入到课室，老师就会问:
1. 你叫咩名呀？
2. 今年几岁？
3. 你係男仔定女仔
4. 今日边个陪你嚟？
5. 搭咩车嚟？

之后老师会考小朋友
（各间学校都会不同，有d考两条就ok，有些学校会考好多条问题。）
1. 叫小朋友指出眼耳口鼻的位置
2. 问颜色的图卡
3. 跟老师的题问，指出枱上面或图卡上的物品
4. 拼图
5. 叠杯仔
6. 情景问题，例如：小朋友係公园玩完好口渴，佢而家需要甚幺？要小朋友係枱上揾正确的答案。

总结:
1. 父母要保持笑容和礼貌。
2. 如果小朋友唔识答就由佢，不要从旁提醒或帮手答。
3. 小朋友要自己收拾老师俾佢哋玩的玩具，临走前要推番好张櫈。

*当日衣着
我认为不要太浮夸，小朋友着整齐乾净舒服的衣服就够，不要喺面试当天才穿新衣，如果新衣会令小朋友唔舒服就会影响情绪。
父母家长可以着整洁的服装，但不要穿着短裤凉鞋。

*幼稚园撞期或时间
如果面试撞日子，就要考虑下时间，因为面试时间通常都要预1-1.5小时。
如果两间学校的地点接近，都可以考虑去埋，但如果时间太赶就唔太建议喇，因为小朋友都会好辛苦，也会影响表现。

*预早时间到学校
在面试当日提早小小到学校，俾小朋友熟悉下环境和放鬆心情先面试

*面试的陪同人选
父母两个一齐出席就最好，但有些学校规定只可以一位家长陪同，所以要认真考虑人选。

**以上只是安妮妈妈经历过的简单分享，并不代表是全部学校的準则呀！

Aidan最后都有好几间心仪的幼稚园收咗，都顺利拣好注册了，希望大家都顺顺利利啦！

————————————————-

欢迎连络安妮妈妈：

Facebook专页：?安妮妈妈亲子日记

IG: @Annie_mama_diary | 安妮妈妈亲子日记

作者﹕安妮妈妈亲子日记

其他文章﹕

【安妮妈妈亲子日记】幼童画画画?