在暑假尾声的某一个下午，当我在餐厅等朋友之际，听到邻桌几名家长发表为子女报读学前班的「伟论」。

家长A语出惊人地道：「你哋点同仔女报学校 ？我就渔翁撒网式咁去报，起码报二十间学校，实行有杀错无放过，不过担心阿仔会唔会好攰同埋好抗拒面试。」

家长B和应：「之前我有个朋友帮佢个仔报咗好多面试班同学校，虽然嗰日阿仔发烧，扭计唔想去面试，但都照带佢去。虽然我唔认同朋友嘅做法，但又明白机会难得嘛！」

家长C用坚定的语气说：「我就谂住集中火力报名校嘞，听人讲港岛区有间名校好好，我谂住帮阿女报呢间。虽然要跨区，返学要坐成个钟车程，但入到就得啦！」

家长D迷茫地道：「听讲有啲名校要小朋友戒晒片先读得，我个女又未戒晒片，都唔知报唔报好？」

家长E语带惆怅：「唉，我无乜头绪报咩学校，我个仔活泼好动，成日都坐唔定，如果拣啲传统学校，我惊佢好大压力，但拣happy school又惊将来衔接唔到小学的课程。」

正当我沉澱在她们言论之际，朋友刚巧来到，大叫一声才把我的灵魂唤醒过来。