【赵荣德】教「包顶颈」家长用评核报告选幼稚园

2021-12-27 11:00发布

站内文章 / 幼稚园
496 0 0
【赵荣德】教「包顶颈」家长用评核报告选幼稚园

自从二月中与「包顶颈」家长倾谈后，他便试读教育局之评核报告，隔了两个礼拜，他给我电话，话有甚多问题要向我提出，我答应替他解决一切「奇难杂症」，遂于昨天见面，以下为我们的谈话内容：

赵为本人，家为家长

 

家：赵Sir，我约略睇过教育局之评核报告，我发觉有好多出名幼稚园搵唔到嘅，好似根德园、国际St. Catherine、学之园、维多利亚都冇，点解？

赵：香港幼稚园分三类，一为参加了教育局「 免费优质幼稚园教育政策」嘅免费幼稚园，一为私立独立幼稚园，一为国际幼稚园，教育局只去免费幼稚园视学，冇去私立独立同埋国际幼稚园视学，所以你搵唔到嗰两类幼稚园嘅报告啰 ! 不过，今年有大约750间幼稚园参加了教育局嘅「 免费优质幼稚园教育政策」，当中有好多都办得出色的，所以你唔忧拣唔到啱你子女读嘅幼稚园。

家：噢，咁样，咁每篇质素评核报告都洋洋数千字咁多，你叫我点有心机睇？

赵：其实嗰啲报告全部都跟住一个格式：

    「学校的持续表现」「学与教」「促进学校自我完善的建议」

家：我知，但係我睇过一啲报告，篇篇都咁上下写法嘅喎，点知边间好边间唔好？

赵：点样写法？

家：篇篇都係讚完后弹，咁你问我点拣呀﹗

赵：唔係，有的有讚冇弹。我俾个例子你，你睇睇中西区嘅「明爱凌月仙幼稚园」，你试慢慢由头到尾读一次，睇吓搵唔搵到一句弹的句子？

热门文章