Ludus 念衡幼稚園好唔掂

本帖最後由 mayjia 於 16-3-4 16:07 編輯

話說我自己個女係LUDUS念衡幼稚園入面讀，但發覺間學校好差越黎越，作為家長，我只可以話我真係要幫個月轉校。

除左發現D老師根本冇上過蒙特梭利D COURSE，上堂根本唔係用果D方法/ 活動，只係掛名，同我去九龍塘蒙特梭利學校舉辦的家長課程差好遠，其實我自己認為唔一定係要用果種教法，但係誠信問題，唔應該周圍同人講用呢個教學方式。

今個星期岩岩又發現有D好差既事，真係要WARN下想入、或是係入面讀既家長。話說12月開始已經留意到成日都唔見個校長，咁問親都係話可以搵校監，從來冇人肯講清楚究竟個SITUATION係點，但今日聽到原來個校長係QUIT左，已經係10月的事，點解一間學校可以開左一陣，個校長已經唔做(唔理佢係乜原因)，但我覺得作為校方點都有責任通知家長一聲，成件事只係隱瞞。如果連校方負責人都用D咁的手法去做事，我唔認為係一間真係岩小朋友讀的學校。

究竟有冇其他家長都覺得有問題呀 ??