學之園做細B vs SC做超大B

本帖最後由 Joyhh 於 16-12-7 01:45 編輯

背景：响學之園讀梗K1，係細B，同同班同學比較，社交、大小肌肉、自信心都係差d。不過學之園老師有愛心，教材豐富，透明度高，要爸媽參與度高。而小朋友亦已適應學之園嘅生活。另外，學校近屋企。

今年以超大B身份考St Cat，感覺好輕鬆，小朋友表現比上年做細B時考其他學校好好多。有朋友嘅小朋友讀梗，當然有讚冇彈。不過學校唔近屋企，要坐校車。

本來一心想做超大B，等各方面都成熟d，希望考小學都輕鬆d，成功率大d。但眼見小朋友已經响學之園讀得好地地，身邊朋友亦話遲吓大細B距離會慢慢拉近，所以對轉校做超大B又有d卻步。但當然最終梗係想考到好嘅小學啦！

我想聽聽大家意見，謝謝。