火炭心怡天地 Joyful 面試

Joyful interview 分3 Part

係面試之前，已經有一位外籍老師歡迎各位家長，叫大家不用緊張，好好享受學校為各小朋友安排的活動。

Part 1 Free Play (Co teacher 負責)
去到第一個課室，大約7-8個家庭可隨意按小朋友的喜好進行親子活動. 有幾個部份: 玩具枱，美勞枱，reading corner, sensory game,etc。在場有幾位老師，每個老師負責觀察2個小朋友，我估佢地想觀察親子互動。

Part 2 普通話故事同唱遊時間(普通話老師負責)
去到第二個課室，小朋友要圍半圓形坐好，普通話老師首先係黑板上用小道具講 The very hungry Caterpillar 的故事，講到每樣生果就邀請小朋友出去，將相關的仿真生果，放入毛毛蟲的口(他們已預先用紙皮整了一條大毛毛蟲) 。講完故事之後，領唱一首關於蝴蝶的歌，一邊唱一邊做動作。呢一部份同樣有幾位老師觀察小朋友的表現。

Part 3 個別面談 (NET 外籍老師負責)
去到第三個課室，課室內有4名外籍老師分別每個坐在不同的角落，每個家庭去其中一名外籍老師的枱，一坐底個NET就問家長how are you, 我地互相問候一輪後，個NET就同小朋友握手，跟住就問家長有乜野想知。接著就問小朋友問題，佢預備了切生果的玩具，問下呢個係乜生果，然後叫佢切，切完在合返埋，再放返入籃。跟住再問家長有無問題，然後送貼紙俾小朋友，臨走仲同小朋友hug hug。

真心覺得佢地既面試好全面，有足夠的時間俾小朋友 warm up，明顯地，我地in 了5間學校，小朋友係呢間最投入，原來有d家長話小朋友自已會選學校係真架，希望小朋友最終都有 offer 。