做大B 的迷思 民生k1 vs 禮賢k2
囡囡係11月B 今年考插班,考到以上offer 爭扎緊揀邊間
小朋友能力偏弱,自信心弱。所以一直都諗緊係咪俾佢重讀。所以報了民生。
剛剛亦收到禮賢插班offer,我知禮賢係間好有愛既學校,諗緊如果小朋友會唔會唔駛repeat 都可以重解自信。
因為今年k1應該有小朋友取笑佢, 令佢唔開心。試過拒絕畫線條同突登話要畫得核突,k1 成日都講唔識,唔知道咁。
疫情下,留返係屋企,花左好多時間鼓勵佢: 反而因為無比較底下,改善左好多。依家表達好左,執筆好左,無再拒絕。 但大小肌肉都較同齡既弱,同表達力都相對較弱。
背景係咁, 如果不考慮升小問題,兩間都接受亦有後備方案, 只考慮小朋友成長同發展, 應該點揀。我唔係咁想阿囡大人地一年,本身都高大,但升k2又怕再創傷佢既自信心。
諗緊邊樣對佢最好。
有人可享下經驗呀
|
一周热门 更多>