等待offer的日子

呢個星期，開始有媽媽收到唔同學校既offer ，我報左11間，已經in左6間，有收到York offer，但考慮過後放棄左，仲有兩間未in，呢個星期開始患得患失，最快果間都要下星期先有信，日日都望信箱，感覺有點失落。
由5、6月開始睇唔同學校資料，媽媽們對學校的評價，到7月開始逐間報名，即將有結果，有點期待又有點害怕，好似當年等放榜心情。
培正、劍嗚，如果入到應該開心過六合彩，士德荊冕堂雖然做到曬指令，答岩問題，但聽講好難有offer，荃灣迦南，當日午睡到一半叫起身，有點扭計，唔肯答問題，我又講明只要am，機會一半一半，葵涌荊冕堂我自己覺得小朋友in得幾好，但唔知淨係玩玩具既收生凖則係咩？都係一半一半，方方未in，但聽講唔難入，幸好我有報埋樓下果間，應該至少有一間收掛？
希望早日有offer，千其唔好waiting ，又要等過，後悔係咪in得太少但我考慮過後以上幾間全部是我心儀的，如果私校收就唔報興趣班，如果免費學校收就返興趣班，希望有心儀學校正選am offer啦