CPDA LCK Playgroup 愈返愈失望...
本帖最後由 ChanBi 於 18-6-28 10:41 編輯
由BB9個月就已經開始返,w老師細心講解,照顧小朋友, 每個遊戲都會講比家長知係訓練緊小朋友邊一方面嘅能力, 仲會鼓勵家長返去自製小工具同小朋友玩, 而且課程可以同父母一齊上,所以一直都覺得唔錯,小朋友都返得好開心。
但升班之後,轉咗老師同課室情況就開始變差, 首先轉咗一個比較細嘅課室,但人數有增無減, 到訓練大肌肉嘅時候,莫講父母一齊扶,連父母一方扶,轉身都經常撞到人, 亦有機會因為人阻人,追唔切小朋友令佢哋受不必要嘅傷, 而且遊戲根本唔夠配合比噤多小朋友,企仲多過訓練...
*期間試過因為有另一班噤啱有幾個小朋友畢業,夾硬迫埋同一班,果一堂完全係災難,試過唔得先問家長意願,會唔會轉早將兩班分返開,其實唔係話比好多錢,都理解每開多班都係成本,但一間學校經營咗都一段時間,唔通唔知道一個課室同老師可以容納幾多學生?係挑戰家長接受度,定博得一堂得一堂?我哋都唔係白老鼠!(真係講起都嬲!)
其次,個人覺得選擇Playgroup,遇唔遇到好老師真係最重要(w老師100分),至於升班之後,到最後一堂都仲可以寫錯我個仔嘅名,有無心,自己諗啦!(利申:唔係果啲查字典都唔識讀嘅名。)
*我有諗過係咪因為小朋友升班,所以教法不同,但期間因為老師唔舒服,有一堂由另一位同樣教同一級別嘅老師代課,完全唔係噤,所以應該都唔係程度問題。
我哋有反映過,但好似無乜用,而再升班會有堂係w老師教返,不過學校行政就真係好一般,佢哋唔係有責任保持師資質素咩?除咗關心你續唔續堂,其他好似都唔太上心,當然有同學仔係繼續讀,但老實呢個價錢配呢個質素,絕對有更好選擇
補充: -對比傳統學校經營嘅Playgroup,可能有人會覺得比較hea,佢唔會特別分教中文同教英文時間,亦無話排隊去洗水間之類,但因為可以父母同上,所以都係個唔錯嘅親子時間。 |
一周热门 更多>