蘇浙面試

今早去蘇浙小學幼稚園面試，因行錯路好急趕，去到見很多等候室指示，情急下問斜路上操場入口站立的女校工，點知....佢吾答之余，仲破口大罵「吾該你地睇返張野，問問問，有咩好問」。我見佢態度咁差劣，吾理佢轉身走人，點知佢叫返我轉頭，話「我都未鬧完，你走咩呀！咁無禮貌」。吓！邊個無禮貌先？

考完走人，經路佢身邊，佢仲眼釗釗黑面啤住我，咩事呀？我都好有禮貌請問你啫。如果學校吾預人問野, 點解要派校工企學校門口先？我離開時，都見佢有鬧其他問路家長囉！

但又公道講，除左呢位校工外，其他的，如等候室職員、老師都好nice的。有笑容、有禮貌、仲好體諒家長。