如何在家支援中文學習？

小朋友而家2.5歲 下年將會入讀雙語國際學校 （繁體中文，國語）

父母母語係廣東話
佢由出細到而家 媽咪同工人講英文 爸爸同其他屋企人講廣東話

媽咪英文流利 港式口音
父母國語流利 不是母語

小朋友而家用廣東話或英文都溝通得好
睇書英文書多 中文書都有

近排因選校既野已落定 已唔太駛講英文準備面試 想計劃建立學中文既興趣

想請教：

1）家中有需要即時轉全廣東話嗎？
擔心佢下年返學 英文又少左用生疏用唔慣 國語又唔識 會唔適應 影響自信

如果要轉全廣東話，係咪等入左K1 適應左先呢？

佢係返學前 仲有NET既英文playgroup 但只有一星期一堂

2）無特別俾佢學國語 （兒歌都無自己俾佢聽）有需要提早俾佢適應國語嘛？

學校n班有教少少國語歌 佢都幾鐘意 有唱下 但屋企無額外exposure

3) 佢一入國際學校 就屋企講返全廣東話 到時我地同佢講廣東話 應該要求佢用國語定廣東話回應？

點樣先幫到佢既學習？ 我希望佢有足夠係香港生活既廣東話 （聽到 叫到野食 唔會因為廣東話唔叻識唔到本地朋友） 但我想佢國語好過廣東話 （唔想討論政治）

我既考慮點係 佢屋企無native mandarin or English speaker 如果佢係屋企都唔自己講多啲國語 咁佢未得好少機會講國語？

英文唔係太擔心佢唔講 因為聽你地話 國際學校既小孩都鐘意講英文

4）我買左青田出版社既《我自己會讀》等系列 想係家輔助佢學中文

咁我應該用廣東話口語讀，定廣東話書面語讀？定俾佢聽碟聽國語？

呢個階段我想培養睇中文書興趣先
認字下一步先唔想嚇親佢 我會睇佢學校點教中文再配合

大家可以分享下睇法同經驗嗎？