請問知情家長，對將軍澳英皇幼稚園N班有何評價

昨天才為弟弟報N班，今年10月入學，竟然仲有學位，一in即收，覺得好意外，但又懷疑佢超收牟利賺到盡，校長話一班N班廿幾三十人，二個老師，我覺得師生比例好大囉。
16－17年學費半日$27XX，校長話17－18學費仲未定，但我預一定會加啦。其他非牟利幼兒園我見都是二千頭，最多$25XX的。
正常8月開始返學的小朋友，適應週時家長都冇得觀課嗎 校長話我冇得觀課，係咪因為弟弟10月才入學呢?我囡以前讀N和K1，二間幼稚園都有得觀課的。
對個校長印象點?佢好似好爽快，但係唔細心，d野我唔問佢就唔講唔介紹，唔記得問既野打返去問，佢都好快答完收缐。
無論點，弟弟都會去英皇返學了，總好過冇學返，不過都希望知情的家長share下有關英皇的情況俾我同其他家長知啦，唔該。