北角區選校

背景：有北角聖保羅堂同衞理堂 offers。兩間都係區內學卷 happy schools。

原本一心諗住入衞理堂，因為大B讀緊，細B已經熟熟地學校同老師，家長亦唔使從新習慣，更可以試試請求學校畀佢插N班，早啲返學。校服書本所有嘢用返。返學一次過送晒兩個上校車就唔使煩。大B so far 讀得開心，遇上嘅老師唔錯，不過間中聽聞其他班有啲老師麻麻，我小朋友好彩應該未遇過。未如滿意嘅係校舍，可能因為暫時性質，空間比較少同迫。學校用嘅教材亦認真麻麻。

去完聖保羅堂，唔知係唔係隔離飯香，覺得校舍靚啲舒服啲。老師畀我感覺幾好，學校個名又好似好聽啲咁，搞到我有少少唔肯定。如果細B揀聖保羅堂，又好似攞自己嚟搞咁。

大家會唔會覺得 worth the trouble？還是兩間學校嘅唔同並不足以為此搞咁多嘢？