AIS 美國國際學校用家的小分享

本帖最後由 luismama 於 22-4-22 13:52 編輯

先利申一下:AIS 現在用家(多於一年)
唔明點解啲人成日話AIS 無乜突出成績，又話聽人講依間學校差到無論乜乜乜，到底係用家自己唔關心間學校，無睇校報，還是非用家的道聽途說，甚至是打手盲踩？


當然，如果跟某英式大校比，佢哋一年幾百人考IB 出十幾位狀員，同AIS 一年百幾人(可能更少)出幾位(而報紙無報)，而當中不少校生係收到美國著名學府嘅multiple offers (又係，報紙無報)，咁樣比較公平咩？

單單上年(2021)，AIS 畢業生的升學報告，先睇考生成績，21個科目當中有19科係高於全球平均值。大學錄取當中佔有不少係世界有排名叫得出名嘅大學，UC Berkerly, UBC, King’s College London 等都榜上有名，本地HKU, CUHK, UST 都在名單上，仲要係學生攞到multiple offers (即多於一間大學取錄)。

就啱啱，class of 22有個學生考到AP 最高分，佢嘅研究論文登咗Youth Medical Journal，依啲香港報紙無報，校外人當然唔知。難道而啲唔係突出嘅成就咩？
https://www.ais.edu.hk/ss-nicholas-wong/

新聞會報IB狀員，但從來都唔會報AＰ，因為大部份香港人關心ＩＢ，認識IＢ。但如果係有心去美加留學，ＡＰ 係好有用嘅一個學制，因為會提早訓練學生做研究、寫論文嘅能力，而部份學分更能轉移到大學。

真實用家感受
我小朋友讀緊AIS ，她非常熱愛上課，亦很喜愛她的老師。之前停面授，我在家中陪她上網課，見到老師們預備嘅課堂和自學習作一啲都唔HEA，大部份老師都好有HEART。(我自己都係教育界) 他們的網課有齊班主任課(分大班及小組，教英拼、數學、常識)、中文(依科一會再說)、體育、音樂、圖書、情緒管理、遊戲。

幼稚園一班MAX 收20 (還是21) 人，但通常都收唔爆(始終外面大把名牌選擇)，我個小朋友嗰班係13:2 ，即1個老師對6-7個小朋友，絕對是小班教學。學生流動也不算太高，我小朋友嗰班這個學年才走了兩個同學，亦加入了3個。

學術方面，在沒有額外補習，只靠學校教授情況下，我小朋友在第一學年(EC 1) 已學完jolly phonics 的單音，EC2 已識拼CVC生字，認識2D 形狀及3D 立體圖形，音樂已學會識四大樂器家族和世界各地的民謠(用當地語言)。

當然，中文係差的﹗至少幼稚圖嘅中文係完全唔得，老師唔得，教學態度唔得，課程唔得。不過，俾得小朋友讀國際學校，依一方面早就預咗要靠父母自己。如果真係睇中文睇得咁重要，咁可能本地學校會較適合。

學生品德方面，我只能講外界好多傳聞係誇大或者打手踩學校。我送小朋友返學，只見學生圍著校牆排隊(窩打老道)，從未聽過行過的途人投訴因學生行為而受到滋擾。大大小小學生(幼稚園到高中)都係一樣排隊，個個不是睇書、同家長或同學傾偈(唔係太大聲嗰種)、大嗰啲睇吓手機等，就算佔咗行人道排隊，行人仍然能有空間暢通無阻。放學的話，我有見過高小或初中啲學生會係隔離個公園仔追追逐逐，但大部份都係正正常常行去搭車。

其實學生在學校附近係無乜機會如外界所講「咁放肆」，因為每朝三大校長(幼稚園、小學、中學)及訓導主任就會當值，全體老師出動，咁啲學生點可以「放肆」？

我個小朋友讀了兩年，她已學到一些正向的生命價值，例如︰小動物也有感受，所以她不太食肉；其他小朋友會因為我嘅行為而唔開心，所以我要be nice to others；做錯事要認錯，人哋道歉要原諒……這都是老師們付出了很大的努力和愛心去教導孩子。

大家有興趣可以認真睇吓AIS 網頁和約SCHOOL TOUR。依間學校，我係真心推介。
https://drive.google.com/file/d/1pSWu1JR8m8FHeGMI3z_0lA1MioV9yjRc/view
最後，AIS 的外國人樣學生的確不多，印巴裔學生有部份，最多是香港學生，內地學生也有不少(詳細統計可以自己睇校網)，不過校內小朋友都係全英溝通。以我小朋友為例，他跟他的內地同學或香港同學，明知大家都可以用普通話或廣東話溝通，但他們還是會選擇用英文。我有同部份家長溝通或聽到其他班家長同小朋友傾偈，好多都係華人樣但係英文口音勁純正(美式居多)，估計係ABC、BBC 或CBC 回流。

https://www.ais.edu.hk/wp-content/uploads/2018/06/MingPao.jpg