圍爐取暖可以嗎

依家咁嘅情況，幾時復到課又未知，呈三又好大機會冇得考，明白消取呈三，只計呈一呈二的成績是合理的，但係明白歸明白，始終覺得好難過和擔心，自問呈一呈二真係有用心同小朋友預備，一直都跟得好足，直頭好似我自己讀多一次小學咁，到而家都仲記得考啲咩，成績雖然稱唔上好，但至少有進步同有付出過就可以，下次再努力就得。不過依家咁搞法連再努力嘅機會都冇，真係令人泄氣 雖然坊間盛傳我哋小學派位係派得靚，其實唔使太擔心，但如今情況難以預計，加上受影響嘅係全港學生，變數太多，如果到時淨係計呈一呈二再加睇埋六年級所有成績表就仲死，一月份的測驗學校出得比平時更難，結果很不理想，都唔知點算。

其實我並唔係太注重成績或派位結果，從來都唔覺得學業可以界定小朋友嘅價值，努力準備考試都係想小朋友學識對自己嘅將來負責任，盡力而為，希望可以入到適合嘅學校，絕對唔係要死谷入d so called presentable嘅學校去滿足我自己，呢排不斷質疑自己係咪做得唔夠好，好擔心會唔會害咗小朋友，點解想讀書讀得開心都咁難，我哋已經唔係d aggressive 嘅人，這一連串的事令我好自責同無奈。

這段日子既要安排停課期間的學習，又忙着清潔家中和撲口罩丶消毒用品、食物等，亦要返工，更要陷入擔心、內疚、心痛的循環，上年已經很不平靜了，沒想到剛過年又發生這事，真的快吃不消了再想到小朋友要經歷社會動盪和疫症，又是一陣揪心...

最後祝睇到呢度嘅你身體健康，幸福美滿多謝你聽我放負。