觀塘區邊緣人

心儀呂郭，可能係因為佢屬於band2又係英中，但原來2022年佢有機會「落車」變返中中，所以我要重新再選擇過。

女仔，屬於band1尾成績，多運動校隊，但唔係經常拎獎。

佢成日都話男仔好煩好嘈，大個唔結婚，有時坐車有男仔坐佢隔離都會唔鐘意，所以我無諗過揀女校，可能我怕佢會變les，而且我覺得女校小圈子會多啲。但有時都要向現實低頭，因為始終呢區band1學位唔夠，女校都係無辦法之中既辦法。

佢唔主動，所以唔打算博叩門。
請問大家如果蒙民偉，聖母，梁式芝
大家覺得如何？
蒙民偉我見唔太多活動
聖母暫時未了解
梁式芝又係多人爭
真係唔知點算。。。

不過有睇過原來九龍真光都會揀啲多校隊既學生，不過我女成績唔知去唔去到，而且仲要諗車程問題。

其實我都唔知自己係問咩問題
自己都好混亂好擔心希望大家高抬貴手，比到啲意見我，唔該哂大家