小學有聯繫中學學生唔揀自己中學 赤柱聖士提反

本帖最後由 小時了了 於 17-10-18 09:11 編輯

因為阿女小五準備升中，自己除咗係EK收集資料後，亦會周圍問人留意嘅中學情況，發現一樣野，我留意嘅幾間中學生其實有聯繫小學，但成績好的聯繫小學生通常未必會揀自己聯繫中學，純我自己聽聞（不喜勿插）及朋友口碑，反而通常自己小學嘅B2生先至會升自己聯繫中學，點解呢？

以下例子純個人見解，如有其他不同意，歡迎指點更正，好讓我改變錯誤想法，先謝謝大家。

1）培基小學B1 嘅以我接觸嘅朋友口碑佢地會抽曾肇添，呂明才，沙崇（大圍），循道之類，B1尾-B2先至會入沙田培基。

2）崇真私小聽聞又係B1尾-B2先至會直升直資長沙灣崇真（呢個我N年前上司個女當年全班第一名，升中抽入伊利沙白後來扣門入庇理羅士

3）培道小學都係諗出面嘅丘中、銀禧、黃笏南、旅港，培道中學係後備

4）陳守仁直資小學，朋友話B1好成績考入其他名中，都係中間嘅先至會去顏寶鈴

5）赤柱間聖士提反小學，同一個朋友講又係好成績嘅唔會直升中學部，又係成績中間嘅先至會直升。

我估港同，培正，協恩，拔箤等呢啲學校嘅小學成績好嘅學生先至會直升自己聯繫中學掛？！

講咁多，其實我想問大家，赤柱間聖士提反小學係咪成績中間嘅先至會直升中學，赤柱聖士提反係咪好似我朋友咁講到好多有錢人俾佢仔女讀，學生有少許階級及學業成績名大於實，成績麻麻呢？仲講到學校好似無校規咁？朋友嘅女小一至小三係赤柱間聖士提反小學讀, 去年小四才轉校去第二間私小讀，以上睇法係佢講我聽。我係EK search 及爬晒咁多年文（無十年都有八載），無一個帖提過St Stephen 會Free 到好似無校規咁，我朋友講嘅係咪真抑或係誇張咗呢？