世紀暖男

噚日同阿女傾開偈, 至知道當日福中first in時, 有一輪集體玩lego環節。佢唔好彩被編入全男班入面。男仔們見到lego兩眼發光大家都知, 一窩蜂衝過去玩。阿女塞極都塞唔入, 就企咗响度。

以上情節, 我一早就知, 但原來仲有下文。


咁阿女企咗响度發呆, 原來有一位應考男仔, 見阿女企咗响度, 靜雞雞細細聲提阿女：搵D嘢做下啦, 老師睇住架。阿女即刻四圍望, 搵到D遊戲說明單張派俾同組同學。


响呢D戰場上, 仲有呢D世紀暖男, 會互相幫助, 真箇是人性既光輝 雖然我唔知佢係邊位, 但祝願佢可以順利入讀最合適, 最心儀既學校, 過美好既中學生活。