中西區校網/南區學校大抽獎

今日聽完升中講座，清楚左個玩法，聽完老師意見，有d頭痛！呈一，二 中英數常ABAA, 老師建議自行港華，鄧肇堅，呈三有進步AAAA，但視藝，音樂BB, 可能拉低左！老師話屬於B2, 建議乙一聖類斯，2-5位置放B2中中穩陣d, 次序係香港仔浸會呂明才，維官，黃竹坑陳白沙，香港仔聖伯多祿，6-10就填返d B1 英中， 10-15就填d B3
保底， 想請教下應唔應該咁安排？B3 真係唔係好想填，唔填B3都應該夠15， 咁應唔應該保底？因為老師話如果唔填d B3, 到時填左果d全部都無位，教局會派d其他區仲有位嘅學校，可能會仲差！星期一交初稿，好苦惱

個學生見到老師建議，明顯有d失望，因佢呈三發住燒咁考試，燒下唔燒下足足一星期，佢都好大壓力，最後d成績佢都滿意，佢比較like 鄧肇堅，st louis, 香港仔呂明才，但我都解釋比佢知抽獎的方式要保守d, 同入到一間唔啱佢，佢要辛苦6年，佢都接受嘅，只唔開心左一陣，就叫我幫佢選

有無家長比較熟悉南區和灣仔區有d校風比較好嘅B2 而有英文班的？果幾間南區B2 咁排好唔好？排名陳白沙好似好過聖伯多祿， 但係咪比較左嘅學校？唔想入間有政治preferences 的學校

男仔較好動，鍾意運動，跑步，籃球，唔駛佢做最叻，只想佢讀得開心，睇左一個下午，有無家長可分享下？