送給醫科生

【我要做醫生！】JUPAS今日放榜，恭喜成功入讀大學醫科嘅同學仔。咁究竟讀醫係點 ？屯門醫院內科及老人科新紮醫生李卓謙現身說法，同大家分享讀醫生涯。

? 一入醫學院，就會成為親戚眼中嘅萬能家庭醫生，所以要勤讀書，免得飲茶時被姨媽姑姐問到口啞啞。

? 從入學開始，就要拋低尖子身份，面對病人嘅血、便、尿、痰都唔好怕。

? 讀書時，要捱得住一個人由朝讀到晚；工作時，預咗經常要on call去唔到朋友聚會。

? 就算畢咗業，都要持續進修。

? 要培養隨時候命心態，即使過時過節或打風日子都要準時當值服務市民。

#JUPAS #大學聯招 #醫科生