呀仔專注力不足，食药後體重跌一磅幾，點算？

呀仔9月中開始食葯，10月中去覆診，醫生話佢體重跌左一磅幾，短短一個月，已跌一磅幾，醫生話如果繼續跌，不能接受药物治療，叫我地盡量迫佢食多D，但呀仔食葯後，唔肯食野，早餐只吃一塊方包，半隻蛋已經唔想食，中午午餐響學校食，佢自己話只吃一半，晚餐可能葯力過左，可以食到一碗飯。長期落去，唔知應否繼續食葯？
食葯後既佢，默書經常90分以上，之前未食，70分左右甚至接近合格邊緣，老師話佢食葯後，上堂唔會周圍望，發夢，相反主動舉手答問題，十一月中考試，到時就睇到佢係咪有進步。上年考試明明好多佢識，但竟然答錯，填充有字照抄，都抄錯，導致每科扣了5-6分是大意分。
但眼見他日漸消瘦，本身已經瘦，而家接近見骨，究竟我應否比佢繼續食葯？心情好矛盾。