好擔心bb有自閉,麻煩大家幫幫手

真係sorry,之前發錯區,仲要發錯2次...我太心急了..

我個bb係男仔,18個月大,

早2日,半夜有發燒我地走左去普通睇醫生攞退燒水, 到第2日先再去睇平時睇開既兒科醫生,

過程中, bb不時搖頭,之後醫生問左d問題, 之後就叫我地留意bb可能有自閉傾向.

但醫生叫我地唔洗驚住,可能bb學習比較遲,未必係真..叫我地去排下政府做個評估,

其實BB而家仲未識講野,爸爸媽媽都唔識,我地以為男仔可能遲d先識..

係會所玩都好少埋其他bb,眼神都唔會有d交流.但有時,某d妹妹佢就係走埋抱住人..


以家我真係好擔心,真係唔知點算好,呢幾晚都瞓唔到,我知老婆都好擔心.

我地平時係比公公婆婆湊,到晚上就接回家

我想請教大家我地可以點做,點做先可以幫到個BB

仲有想問有冇私人可以做評估?怕政府排期排太耐

同埋價錢大約幾多

最後真係感謝鄭醫生,如果唔係我地都可能未知個問題..