ADHD媽媽小分享

本帖最後由 cheeryoyo 於 19-10-31 14:58 編輯

仔仔今年二月確診了 ADHD, 當時對我同老公都好大打擊。
望住眼前叫極唔聽嘅仔仔，我地傾過，氹過，鬧過甚至打過。上左小學之後，我覺得一家人都無開心過。。
醫生建議仔仔食藥，因為佢算去到中度嘅 ADHD. 而我永遠都會記得第一次佢食藥後嘅反應。
當日我地去食早餐踢波。15分鐘後，我忽然聽得明佢講野。我一直都唔知佢以前講野一忽忽，原來係 ADHD影響倒。再去到同爸爸踢波，佢竟然MANAGE倒同爸爸猜倒幾球。而唔係亂咁踢到好遠。我地讚下佢，果刻佢答我地，佢記翻起爸爸之前點教佢，只係自己控制唔倒自己。聽完之後，我同老公都忍唔住爆喊，覺得之前鬧錯左佢。

仔仔食藥後，宜家情況好左好多。我地同佢試緊 Strattera, 有時都仍有 d唔穩定. 係度分享咁多，係我想鼓勵一班同路人父母。雖然條路唔容易行，不過我地大人拖住小朋友，一定要俾佢地信心。唔好否定自己同佢地

From一個自己有 ADHD同仔仔都有ADHD嘅媽媽