與特殊囡囡同行的淚與笑(有經驗分享，很長)

2004年開了account，2007年才post第一個msg，想不到事隔7年才再post呢一個msg…

我與太太結婚1998年結婚，經過了好幾次不育手術，到了2011年囡囡才誕生，大家可想而知，當時我哋有幾興奮! 但興奮的日子過咗無3個月，惡夢就開始出現!!

頭一年真係好煎熬!太太產後抑鬱，工人都走咗3個，囡囡一天到黑唔係大喊就唔食唔瞓，真係好辛苦!! 到咗佢一歲，我哋發現囡囡同其他小朋友真係好唔同，佢唔會望我哋，唔會同我哋笑，亦都唔會哝哝呀呀，於是我哋立刻帶佢去仁x醫院、浸x醫院、同埋邁x做評估，結果話囡囡係整體發展遲緩同埋疑似自閉症！

當時真的很晴天霹靂，但我哋立刻同囡囡找尋服務，最後在邁x接受導師訓練、治療服務，當時囡囡都1歲半了。囡囡在邁x的半年，情況有不錯的改善，佢開始會留意吓周圍嘅人，唔會咩都只係放入口，亦都減少咗咬人，但這個蜜月期維持了6個月，惡夢又再嚟！

事緣有一間很有名做自閉症的機構 (不便開名，費事俾刪文)通知我哋有個密集訓練有位，啱囡囡上，我同太太諗，反正我哋都排緊佢哋s位，俾囡囡早啲適應都係好，而且佢哋一向出名做特殊，所以就離開咗邁x。到咗呢一間有名的機構，我就後悔了！首先，佢哋唔理囡囡適唔適合，就堅持要行ＴＥＡＣＣＨ，而且導師非常唔專業，每次放學我問囡囡情況，佢就話佢唔聽話，整整３個月都無進步！！！！　我見過佢哋嘅ＥＰ　（當然要俾４千大元），佢就不停叫我加個別堂，　當然我都有加ＳＴ，　ＯＴ，　ＰＴ，　ＴＲＡＩＮＩＮＧ堂，但情況依然沒有改變！

我再同負責嘅導師傾，佢竟然話問題在於我返半職，做一個半職爸爸！！佢話一係就全職唔好做嚟湊女，　一係就交俾工人！仲話囡囡喺佢哋到幾個鐘，就算有問題都係幾個鐘，回家的情緒係我哋問題！！　大佬呀，究竟佢有無同理心？明唔明屋企有障礙兒童嘅苦況？！每個月俾６千幾蚊做密集，加埋個別堂成萬蚊，結果係換嚟咩都幫唔到，囡囡情緒又大咗好多，唔單止無進步，　直情係退步！！！！！！

好彩，機會及希望是永遠在身邊的！！有一間基督教背景的機構又有密集式訓練嘅位，我哋覺得都無嘢可以再衰啲，咪又試吓囉！

今次真係喜出望外！首先ＩＮＴＡＫＥ當日，呢個機構已有ＥＰ同導師一齊去了解囡囡情況，之後又做咗個”適應期ＰＲＯＦＯＬＩＯ”叫我同囡囡在開課前ＰＲＡＣＴＩＣＥ吓，最重要係老師勁關心囡囡同我哋一家！開課咗頭一個月，囡囡由喊足３個鐘，變成完全唔喊！頭一星期，老師日日打俾我哋交代情況，又問我哋囡囡喺屋企點，雙方要點樣配合，之後都起碼一星期有２至３個電話去溝通！最重要係佢哋真係了解囡囡需要去訓練囡囡！佢哋對有啲小朋友用ＴＥＡＣＣＨ，　但有啲好似囡囡咁唔受ＴＥＡＣＣＨ就用其他方法，囡囡比較接受藝術引導，ＥＰ就建議導師同我哋家長用地面時間＋藝術治療去引囡囡同我哋溝通！！成個課程７－８千蚊好似貴過出面，但因為全包，有晒ＯＴ，ＳＴ個別治療同小組，感統等訓練，比起之前嗰間，慳成差唔多３千蚊一個月．

囡囡上咗３個月了！上星期機構同我哋開咗個進度會議．　ＥＰ，　治療師，導師一齊坐低同我哋講返囡囡嘅進步，亦同我哋展示囡囡上堂嘅情況，看到ＰＰＴ，　真係好感動！！呢３個月，囡囡由狂喊派變成肯望人，由狂咬派變得開始識玩玩具，又肯去廁所同用杯飲水，　情緒亦平伏多了．　昨日，仲開始有意識咁叫我ＤＡＤ　ＤＡＤ呀！！

今日剛再見仁Ｘ醫生做評估，佢話囡囡自閉症ＳＹＭＰＴＯＭＳ輕咗好多，我哋都好安慰．大家明白到我的心情嗎？！

我想同大家講，家有障礙兒童，係唔容易，但唔好失去希望！他們需要我們的支持及努力的！！！！

大家，　一同努力啊！！！！