語言能力差 臭脾氣 請問e位定i位適合？

我仔2歳9個月讀梗普通幼稚園n班，因語言表達差，會出手推人，臭脾氣愈黎愈嚴重，小小事就會大哭大叫，要校長出手抱走佢等佢喊夠冷靜！
近排做完cac評估， 發展到同齡至35個月、語言表達遲半年、語言理解就遲3個月，小肌肉差啲，其他表現理想。
証明佢呢大半年番學進步左好多，入學時只識講幾個單字，到宜家超過50個字以上，講1-30，到簡單一句「媽媽，坐呀」都睇得出佢比之前好左好多，自理都好好，衫褲鞋襪著除都得！
但醫生都俾左e位或i位排，另加cac語言治療。
醫生就建議佢讀i位或者轉校，因為醫生話呢間學校唔夠包容同體諒你仔仔，佢話如果學校係想幫你，根本就唔應該成日都投訴你仔仔（校長一見到我就話我仔打人好臭脾氣，根住就問評估排到未，學校冇資源冇兼收位），學校其實加重緊你地壓力，想你快啲走！
雖然我知道學校係咁，但佢進步咁大都係老師功勞，而且仔仔好鐘意番學。
如果要我轉校，我都唔知邊到搵間可以包容佢既學校？

但下星期就見醫務社工，仔仔其實都係語言能力 脾氣差，究竟排e位好定i位好，但係排呢啲位至少都要等一年先有！而且到校服務滿左額，今年都唔知用唔用到服務！
不過語言遲左我覺得都可以追到，但佢脾氣咁大，我真係好擔心，應該做啲咩去幫佢改善下？
請各位賜教！thanks！