親戚女兒食藥後有幻聽

親戚女兒宜家好似係十歲定十一歲，留左一兩次級，有ADHD，醫生建議食藥，經過好耐掙扎最後都比佢食藥，但食了一排開始有幻聽，宜家連沖涼都要佢媽咪係門口望住佢，夜晚仲要痴住媽咪訓，但佢媽咪仲要照顧佢細佬妹，生活好大影響。睇了醫生叫佢即刻停藥驗血，好似好嚴重咁。聽佢講佢女琴晚因少少事發曬癲咁係咁發脾氣，仲想打人咁，最終報警收場見到佢地咁真係好擔心。我親戚總共生左四胎，第一個女中學了已經好大，但有情緒病，成日自己拔頭髮，拔到好誇張，好似約左睇精神科，第二個女就係呢個ADHD，第三個女算比較少野煩，淨係調皮左d，第四個仔發展遲緩，成日帶佢見治療師，就黎四歲認知同說話能力都未掂。佢媽媽自己都有抑鬱症，定期要見心理醫生同精神科醫生，我真係覺得佢好堅強，比著係我一定崩潰！所以我一得閒都會關心下佢，細個佢湊大我，宜家佢最細個個同我個仔一樣大，佢同我好似朋友咁，好希望可以用自己有限既學識去幫佢教育d仔女大家小朋友食完藥有冇試過有幻聽？除左食藥有咩辦法幫助ADHD小朋友？