兒童焦慮症 (心急媽媽)

我仔9歲, 以前每日都好開心咁返學, 不過三年級學期尾開始, 發現佢返學前會反胃, 同埋好驚返學, 不過好彩好快就暑假, 情況就此停左

9月1 開學日好順利就返左學, 但之後我仔每晚都叫頭痛肚痛, 早上會緊張到反哂胃咁嘔, 大喊唔想返學, 話好驚班主任, 學校安排左社工同教育心理學家比我地, 見完之後叫我地去睇下精神科醫生, 睇下係唔係有社交障礙OR自閉症等問題

我小朋友好清楚講到, 所有人及事都唔驚, 都唔係因為學習壓力,
只係好驚班主任, 無論班主任既眼神, 聲音, 動作, 佢都好驚, 但佢話老師無鬧過佢, 只係鬧其他同學, 不過佢都好驚

P.S.
班主任是女性, 學校345年級都會係同一個班主任, 即係仲有2年會係我小朋友既班主任, 除左睇醫生同輔導, 我地應該要求掉班嗎

最後想請問大家有無心理輔醫生介紹?
十分感謝