寄宿家庭確診咗，但無得走先

我仔學校term break.仲有一個星期先完，依家住緊個寄宿家庭， 其中一個主人琴日確診咗，但只係打算留喺自己間房到隔離，唔會去醫院。我即刻要求監護人公司幫佢搬去第二個寄宿家庭或者返學校，學校話依家冇老師，要等到term break 完先可以返去。至於第二個家庭，監護人公司話因為阿仔係密切接觸者，好難搵到第二個家庭收留。佢又未夠年齡自己出去住酒店，即係根本冇得揀，要繼續留喺而家呢個家庭一星期，但留多一日，風險就多一日，唯一安慰係全屋人都打齊晒針。雖然係咁，但都唔想個仔受到感染，然後又要隔離，影響返學。

其實呢個情況係英國係咪好普遍？冇第二條路俾我哋揀？