剛做完評估，係adhd,請指教

其實有晒心理準備，但呢一刻好多野唔知要點做。請指教!
Background:囝，早產出世，現二年班，學習成績經我日日捉住做功課，溫習，成績有班中頭5名。老師評語都話佢聰明，但好唔專心，多野講，唔聽指示，叫唔聽，一開心興奮就控制唔好自己又叫又跑。
做功課勁唔專心。日日放學只係睇電視，睇完爸媽返來先肯做。佢自己都講唔知點解控制唔到自己，一定要睇電視，完全忘記應承左我地既承諾。
試過獎勵貼紙，禮物或活動獎勵，口頭獎勵，全部我三分鐘熱度。最近勁講大話，話已經做左功課，其實就完全冇做。
脾氣差，好易發脾氣，慢慢同佢傾又唔得，叫佢冷靜下先傾又得。
打，鬧，嚇，罰，傾，讚，獎，講乜都用過。都冇用。
老公唔肯比小朋友食藥，剛開始食魚油。
問題:
1. Adhd既小朋友做出來既行為，係咪佢自己都控制唔到？
2. 可否推介一些網站，書籍，比我學下點樣去handle adhd既情緒同問題？
3. 佢成績好，如果同學校講佢有adhd,會唔會有正面/負面影響，我唔知應唔應該講
4. 那間政府醫院睇adhd都有經驗，配套最好？佢地除左開藥，仲比到d乜治療或training
其實，我因為個囝，工作，家人既問題，自己都已經有焦慮症同depression.我唔知撐到幾耐，大家請幫幫我