擔心21個月既囝囝有過度活躍症

囝囝而家21個月， 脾氣好差，一唔鍾意就大叫，唔聽人講，有無限精力，playgroup老師建議等囝囝夠2歲去做評估睇下係咪有過度活躍，好唔開心呀， 請問有無媽媽有類似經驗呀

另外想請問其實囝囝又唔係無時停，例如我做家務時會播barney或peppa pig 既vcd俾佢睇，佢都可專心睇到，有興趣既書都可以自己坐低睇5-10分鐘左右，上playgroup都可跟到8成，係要排隊時會發脾氣，不過佢又真係可以不停咁跑嚟跑去玩唔停成個鐘，想請問有經驗媽媽，如果有過度活躍症係咪無時停，樣樣野都唔專心架？