選I位,或重讀正常幼稚園?
我囝囝4歲3個月,現讀正常幼稚園K2, 在尤德評估整體慢同齡1年,主要問題-語言表達弱,專注力不足,大小肌肉弱,尤德兒科醫生建議入I位幼稚園, 今年1月開始有耀能到校服務,囝囝被安排做言語治療先,每星期一次,每次一小時,3個月後再轉其他治療,可以轉物理治療或訓練專注力等, 因為是細B,我們已決定重讀K2, 有同班主任傾過,她覺得囝囝未有評估報告慢1年咁多,只是專注力不足和大小肌弱,其他與同班同學無異,記憶力,中英數認字能力仲好強, 因為囝囝這問題,我已經辭職,4月開始做全職媽媽,希望多些時間同佢在家做訓練, 同時,今年4月底我們應該會排到所選的I位幼稚園分配,9月入學,因為我們很早已經社工排隊, 而家我們要決擇: 1 - 接受I位? 2 - 還是原校重讀,繼續耀能服務?加上繼續在家自行訓練? 其實不太知道I位的針對性訓練有幾多, 究竟選哪一樣比較好? 好擔心選錯害了囝囝一世! 請大家俾D意見!
|
一周热门 更多>