家長會跟埋去讀 boarding school 嗎？

我有一個想法，想問吓大家意見

我本來打算幾年後送女兒去英國讀書，暫定過去讀Y9，應該就係讀 boarding school, 基於香港最近嘅改變，我自己都好想離開香港，於是乎我就諗，不如一家人同埋細兩年嘅妺妹同埋佢一齊移民離開，妹妹讀 year 7, 家姐讀 Y9，我本身好鍾意boarding school 可以陪養小朋友獨立，所以想繼續送佢哋去 boarding school, 另一方面每逢週末假期，佢哋又可以返嚟屋企，感受到家庭溫暖，冇咁容易學壞，不過爸爸覺得既然父母都跟埋去，不如讀 private day school或者 state school, 錢方面其實係負擔到嘅，不過爸爸覺得俾多咁多錢唔係好抵

我本身係香港有一份好好嘅part-time job, 過到去我應該會做全職主婦，我先生就係傾向佢喺英國會搵嘢做，不過如果搵唔到啱嘅工，從此退休亦無不可，不過佢都 prefer 揾份工打發時間同幫補下

小小補充
我自己喺呢一刻情緒上好需要知道自己有得離開香港，所以一定會跟住小朋友走，另外我哋可以去加拿大，但係我同先生嘅共識係英國嘅教育比較好，所以選擇英國，可能小朋友讀完書，我哋兩公婆就會再去加拿大住，小朋友大左就等佢為自己打算


想問吓大家有咩諗法？

我知道我嘅諗法比較離地比較理想化，但係既然負擔得起點解要compromise？所以我想知大家對boarding school嘅睇法係點樣？
正反意見我都想聽，亦希望若然我太離地，大家可以鬧醒我

謝絕政治討論