由當初唔識講嘢到依家成為小學雞之感想

本帖最後由 wingsbb 於 20-3-15 16:40 編輯

疫情下停課，連家長日都取消咗。早2日終於收到班主任電話聯絡，同我講下仔仔上學期嘅成績! 聽完老師嘅comment, 感覺到仔仔大個仔啦，見到佢每日開開心心番學放學，基本上功課都跟到，我之前一路比較擔心嘅社交問題，都似乎唔係太大問題，至少老師冇特別向我投訴啦！
回想起當初由1歲幾唔識講嘢，迷茫又唔知聽邊個講先啱。番健康院唔pass, 又等半年，唔pass，又等半年。最後真係等唔切，自己搵私人言語治療，後來仲有上埋職業治療... 雖然真係貴... 但見到佢一路進步，真係要時時刻刻提醒自己唔好放棄! 小朋友錢易賺就係咁嘅道理... 遇到好嘅治療師係好好彩，亦要感激c6支持，全家總動員幫仔仔訓練! 仲有，好錫仔仔嘅幼稚園老師們! 當年學咗嘅技巧，依家都可以用喺妹妹身上 (雖然妹妹講嘢超叻)。
各位同路sis, 千祈唔好放棄，要堅持相信小朋友有無限潛能!