壓力大到快不能承受

我大仔, 依家4歲5個月, 3歲8個月係政府評估確診左係自閉症譜系, 阿氏保加症, 排緊E位, 依家亦有係私人中心上緊個別及小組嘅情緒訓練, 讀緊K2全日, 有嚴重社交障礙, 係學校成日鬧小朋友, 甚至出手打, 老師每日都同我匯報大仔係學校個情況, 今日咁樣, 大仔又無午睡, 嘈住其他小朋友, 其他小朋友話大仔好嘈, 大仔唔承認, 仲話自己有訓, 好乖, 無嘈, 結果換來其他小朋友不停話大仔,大仔承受唔到俾其他小朋友話, 結果就不停鬧人, 甚至打人, 我每日聽住老師講大仔點樣, 點樣, 我真係好無奈, 好大壓力