真的應該選擇Anfield ?

本帖最後由 cincillia 於 13-11-15 11:31 編輯

我由兒子(2011年12月細b)13個月大開始已經幫佢响Anfield排隊報nursery，因為當時係first come first serve形式排隊，最近卒之排到2014年插班讀n班....本來應該好開心，但唔知點解個心好似唔係好舒服，所以想請各位比啲意見。

因為小朋友一路都有响Anfield讀開playgroup，對學校各樣都滿意，小朋友活潑好動，唔鐘意坐定定，同埋想佢英文基礎好啲，所以幫佢報名....

期間，又擔心佢係細仔關係，好難有offer，响9月開學時便比佢去咗九龍塘Manhabit到讀住n班先(因為新校，所以先有位，但呢間學校無往績，唔知小學派咩學校)...再等今年in K1(暫得德信同九龍靈糧堂waiting)....依家有Anfield offer ，但又有以下疑問....

1. 我係咪應該咁早認定小朋友讀唔到LS呢???
2. 應該轉校定留在一間新校(又擔心小一叩門程度唔夠)?
3. 因為我哋成家人都係傳統中國人家庭，溝通又用廣東話，比小朋友讀IS可以嗎?對佢語言發展好嗎?
4. 又正因全家人得我一個識英文，仲要我本身英文唔叻，我覺得好大壓力...但我又擔心讀LS迫佢做功課温習仲大壓力....
5. 家中經濟慳慳哋可以比佢讀IS....但諗起要十幾二十年都係咁，又好大壓力.....

其實我只係想小朋友打好英文基礎，開開心心enjoy讀書....應該點選擇??