英基家長聯名反對加學費

大家英基家長有無收到反對加學費家長發出的Email, 呼籲大家聯名反對英基每年加學費。大家點睇？

呢封信要求英基停止加學費，採取其他辦法增加收入，例如跟政府要求增加補貼，同減少英基總部的費用。我覺得政府唔會對英基增加補貼，因為英基成立的原意系港英政府為英國及海外駐香港的外籍人員子女提供英文教育服務，現香港 已回歸，政府以母語教育為主，無理由會同意增加對英基的補助，講句唔好聽，E家有補助已經算唔錯。

裁剪英基總部的費用亦唔系咁行得通，如果你注重一間學校的質量，你唔會輕易裁剪學校的費用，因為會直接影響教學質量，系大家都唔想見到。

好明白有D家長希望用一個合理的價錢給子女一個高質量的英文教育，但如今的英基已經逐漸變成一間名副其實的國際學校，也許不久的未來政府都唔會資助。為了保持水準，它只能好似其他國際學校咁不停加學費。睇拒每年超額申請，就知道多少人爭崩頭要入。話句唔好聽，就算拒加到1萬一個月，你想讀，都系要讀。

我本身都系英基家長，都唔想拒加學費，但又想拒保持水準或者提升，都好矛盾。唔想潑冷水，但覺得呢個聯名行動理由唔夠充分，好難有結果。