活潑好動，外向兼多嘢講嘅小朋友讀傳統學校

本帖最後由 dmms 於 21-10-27 10:56 編輯

想請教下大家：活潑好動，外向兼鍾意嘢講嘅小朋友讀傳統學校會有咩問題？
我仔自N班開始就被老師話好動，外向兼鍾意嘢講，上課有時會開小差同同學仔講野。

但佢學術又幾好喔，評估全都係滿分。

K1果陣，三頭兩日被老師投訴，最後佢話我仔唔適合要求坐定定嘅小學。

但我又諗，邊間學校會專收坐唔定嘅小朋友，係我做老師都鍾意乖巧嘅學生啦。

放眼望去，直私差唔多都係傳統學校，除咗幾間行IB嘅標稱自己係真正嘅活動教學，但呢幾間又真好好鬼難入。

有諗過下國際學校，但幾十萬嘅學校本票真係俾唔起。

最大概率都係會被傳統學校收番，我就擔心係唔係真唔適合。想听聽過來人或者有類似情況嘅家長討論下。