面試日期時間反映取錄機會？？

本帖最後由 siumicmic 於 16-10-9 22:14 編輯

呢幾日in咗好幾間，問阿女面試做咗啲咩，發覺佢在有啲學校的面試內容同EK得到的資料好大出入，只係做啲好簡單嘅嘢，一啲都唔覺得會睇到個小朋友嘅資質，性格和學術水平。

再睇返大熱學校的面試日期，都唔係第一日，而時間都係午飯前或當日最後一輪。係唔係呢啲日期時間的，反正唔會取錄，所以隨便in吓就算？

其實之前都有睇過啲帖講關於呢方面嘅事，有人覺得陰謀論，我就半信半疑，但經過呢幾日，不由得不開始相信……

發呢個帖唔係怨或呻，只係想大家討論吓覺唔覺得係咁樣(唔會求証到，只可憑感覺)。如果個遊戲真係咁玩，當有學校面試撞時間的話，要考慮埋呢點，唔好去咗一間取錄機會低嘅，浪費咗另一個機會。我唔想下兩個星期六再做錯決定！


大家有無覺得邊間係咁？