我這樣的幼稚園升小策略可以嗎

相信好多在這個版的家長正在忙小一面試，首先祝大家找到心水小學。

由於大家正值努力中，想借機請教大家一些過來人心得。

我小朋友快要K1面試，現讀玫瑰崗。玫幼一條龍上小學，又可大抽獎。我諗住直上，到時大抽獎可搏盡啲。另一方面考直私，由於聽講玫小學術英文唔錯，我估出來競爭也不會太差？好似進可攻退可守啲

當然我也會考其他幼稚園，以下是我會考但講真有幸收我，我也會十分糾結的，睇下大家點睇。

聖公會： 相信個個都會考呢間神校，有數位朋友分享返，呢間教得唔深，雖有好多人入co Ed, 但大多係有關係人士。自己冇關係，入到都驚自己後來都係冇好offer個啲。

高主教：聽聞升小收返六七成。但佢哋較看重中文，英文要外補。收咗你又冇得抽獎。又係果句，如果唔收返，會唔會唔夠競爭力？

聖保羅堂，聖瑪加利大：兩間都出名，重德育。但happy，冇connection or backup,，要放棄玫小呢個大水泡去搏佢哋又好似唔值。

整體感覺係，出去考呢啲名幼，雖然派位數據不俗，但多數教得唔深，而且唔係龍。覺得出得去一間冇backup的幼稚園唔係反而要谷啲裝備好自己去公海同人爭？ 但事實相反，感覺冇乜安全感。好多人睇數據，認為派位事實勝於一切，你哋過來人同意嗎？

虛心求教，無意褒貶任何一間學校，請大家分享下