不知所謂遊學團老師(TKO)

本帖最後由 Yiaibn 於 19-5-8 05:52 編輯

上星期同個frd新加坡返嚟，喺侯機室已經見到有幾個學生跑嚟跑去，上到機就俾成班學生圍住，學生嘈交，大聲講嘢，討論打咩game，個電視唔著就不停拍打，成架機啲人已經望住晒，有幾個學生仲要不停叫同一個學生全名，叫佢收聲。其實一上飛機就有2個男老師只不停影相，全程機都無控制啲學生秩序(可能覺得羞家)，但呢啲係基本禮貌同公德心，既然帶得班小學生出去，就應該管教吓，2個老師就自己傾計睇戲，當正自己旅行咩。好彩佢地有著校服，熟口熟面，我一定唔會俾個仔讀呢間。原來同機又有另一間學校嘅圑，啲校風真係差好遠。乜老師教出乜學生。我同朋友講，佢地話好多學校都好著重秩序架，著住校服就代表間學校，真係醜。