荃灣區校網驚險回憶錄

上年小朋友升小一，屬荃灣區校網，心儀馬灣基慧。自行，甲一，乙一：馬基，乙二荃官，乙三海官


結果派到第8志願：東華三院黃士心。


即刻四出扣門：馬基，海官，亨澤，青澤，世德，主恩。


馬基：好多人見，可能有超300人，見完，阿女話見得幾好，但我係好擔心，因為實在太多競爭者

海官：又係好多人，應該都超過300

亨澤：應該少過200，副校對我小朋友超有興趣，感覺應該大機會。

青澤：無得見

世德：撞期無去

主恩：少過200人， 感覺唔適合阿女


7月頭，亨澤打黎收阿女，當時老婆喊出黎，因為佢幾鍾意間學校，我當然都高興，臨上適應班前一日，馬基打黎話有位，問我會唔會考慮，我即刻應承。當下個感覺似中咗六合彩。


係到同大家分享，希望各家長唔好咁大壓力，千萬唔好派得差，而係小朋友面前喊。