小一選校分享

幾年前小朋友由幼稚園升小學有啲心得可以同各位分享，可能有啲主觀，希望大家包容(emoji)
小朋友由自行失敗(15分)到統一派位派第五，心情經歷過唔少高高低低(emoji)
而喺自行前其實都作最壞打算，如果自行統一唔理想會選擇叩門。所以係選校時好進取，每個選擇都係熱門學校，原因當去叩門時學校會睇下你有無揀過或者問下點解揀我地學校，而當家長面試時就可以講下自己有揀(誠意)叩門面試時先有說服力。一般小一叩門都唔會有筆試(教育署呼籲)，所以武裝小朋友我會傾向佢地唔怕醜、健談、時事熟悉和該校資料，當然小朋友有佢特別才能都會預備下，家長同小朋友禮貌都好重要。其實學校收小一生都唔可能當小朋友乜都識，而睇小朋友性格或處事對答我覺得學校會特別留意(emoji)
小一選校心得
初時都會上教育網睇下排名和坊間推介，但係經過幾年黎發覺以上其實都唔係咁啱自己，佢地嘅排名亦唔係自己想搵嘅答案。我開始續間學校官網嘅學校報告去觀察。例如:學校理念(注重學術定課外活動)、每班人數(大班定小班、班級斷層)、升中結果(透明度高唔高、升英中或者 Band 1 中學多寡)作選擇，另外都會留意學校地址、上課時間(近唔近屋企、路程或車程)、將來有無細佬妹跟尾(如果係兄妹，會唔會哥哥選擇男校而妹妹又再一次自行派位(emoji))作考慮。
學校無分好定壞，我會分熱門定冷門。熱門學校多數學校報告升中好透明，所以揀該校亦會好多人揀(目標明確，相信“家校”會令小朋友