有版友問,香港嘉諾撒學校好唔好,呀女讀左一年的感受。
我公司連埋我有3個同事的讀小一的小朋友。 我女讀嘉諾撒,一個讀北循,另一個係新界區。 3間入面功課嘉諾撒大約多10-20%,一日6至8樣,我女做得慢,要3個鐘左右,我陪住佢又做得快時就個半鐘左右。 考試英文科會比其他深,其他科目差唔多,每一科有5%既分係額外的,可能冇教過或超出少少程度的,其實分數係睇家長對小朋友的要求。 一星期中文默書,一星期英文默書也跟其他學校差不多。
老師有愛心,呢個好睇遇到咩老師,因為每一個都唔同,家長睇法又唔同,我覺得班主任不錯的,我老婆話班主任不夠主動。開學初期女兒學習有所不足,班主任都有打電話來了解及商量的。 我參加幾次學校活動來說,學校係比較傳統的,對天主教的信仰溶入比較多,亦好明白的說出對學生成績及學術要求是注重的,訓導老師講過入我來呢間學校都預左會谷的。不過都鼓勵課外活動,選擇也多。呀女返學都開心的。 校長,家教會和學校管理是十分好的,例如停學的網上學習有問題致電學校都很快有人接聽及解決的,爭取到停學期間不用交車費,家教會安排了開學會每人免費派發一盒口罩。
另嘉諾撒冇精英班的,分班試會將學生平分,每班會對追唔上的同學進行補教,不過下學期至開始又停了學,詳情我都不知道。
我個人來說嘉諾撒是一間好學校。 |
一周热门 更多>