九龍真光：入小一不用讀面試班

■私立小學九龍真光中學（小學部）舉行2017至18年小一收生簡介會。


私立小學九龍真光中學（小學部）舉行2017至18年小一收生簡介會，校長方玲嘉指收生情況與往年相若，料收逾2,200份申請表。該校下年僅有70個小一學位，料31名學生爭一個位。校方指小學部約有一半學生可升讀九龍真光中學，故學額競爭激烈。


「最重要係學生注意力」


九龍真光中學總校長李伊瑩接受訪問指，會按學生態度、禮儀、專注力等取錄，「最重要係佢嘅注意力，收唔收到外間訊息，始終學校係集體行動多」，又指有學生表現得不理會父母或其他同學，甚至不回答老師提問，這類學生取錄機會較低。


李認為家長宜多放時間教育子女，「要教子女分清乜場合做乜嘢，例如有學生食飯時掛住玩iPad、鍾意嘅嘢就一個人搶晒，父母唔干預唔係咁好」。李又稱不用為學生報讀面試班，指流露子女自然一面更重要，「最簡單係同佢哋傾多啲偈，帶佢哋見識多啲」。


明日亦為教育局小一自行分配學位階段首個交表日，家長可為子女申請一間官立或資助小學，親身遞交申請表，如在此階段未獲學位，可參與統一派位。直資、私立及英基屬下小學不在計劃內。