SMC vs WKF

各位好, 平時有睇開EK, 今日到自己有煩惱未解決, 所以特登開個a/c, 想請教各位高人.....
小兒將於今年9月上小一, 我一直想搵英文語境好嘅一條龍學校。 想要英文學校係因為佢本身英文比較強, 如果上中小, 怕佢一下子適應唔到, 我明白中文都好重要, 但如果全科都係中文, 我怕我同佢都好大壓力; 想要英文語境, 係因為佢喺屋企只係廣東話嘅情況下, 都講得一口流利英文 (老師話佢無論講到寫都係非常好, 全英語溝通係完全無問題), 我希望佢可以keep住, 唔想佢甩咗D英文；而想搵一條龍, 就係因為我唔想大家咁大壓力, 可以輕輕鬆鬆咁上中學....

幸運地, SMC同WKF都有offer, 我明白呢兩間都唔係咩一線神校, 但都有齊我想要嘅嘢, 而兩間我都好心儀, 我有努力上網睇資料, 但睇完都係下唔到結論, 所以想請教下大家, 如果係你哋會點揀 (住址唔係問題, 因為我已經預咗搬)