小一入學自行階段家長或監護人住址證明問題 (1 更新)
本帖最後由 miriam 於 18-9-11 11:28 編輯
我都怕有錯, 已經問清楚教育區分區, 等大家可以提早準備資料.
如果負責做監護人既無住址證明, 可以用配偶既住址證明, 要帶備埋以下幾樣野. 1. 配偶住址證明正及副本 2. 小朋友出世紙正及副本 (呢樣一定要有架喇, 因為遞交申請表時都要畀埋學校) 3. 結婚證書正及副本 (可選擇帶唔帶, 為安全計最好帶囉)
又假若住址證明係監護人既父母 (公公婆婆爺爺嫲嫲), 就麻煩帶埋自己或配偶出世紙正及副本去.
以下住址證明必須同申請人姓名相同
1. 水費單 或 2. 電費單 或 3. 煤氣費單 或 4. 固網電話費單 或 5. 寬頻上網月結單 (已經問左係接受,可以用電子帳單) 或 6. 差餉繳費單 或 7. 已蓋釐印租約 或 8. 公屋住戶證明書 (即租約)
如果真係咁不幸以上 8 項都無既, 凡因申請小一入學而有需要宣誓的人士, 須親往教育局學位分配組辦理手續.
家長如有進一步查詢,請與教育局學位分配組聯絡。
地址:九龍觀塘偉業街223號宏利金融中心2樓2室
電話: 2832 7610(香港島及離島) 2832 7620(九龍) 2832 7635(新界西) 2832 7659(新界東) 2832 7700 / 2832 7740(一般查詢)
24小時自動電話查詢系統:2891 0088
網址:www.edb.gov.hk
亦可以去民政事務署分區辦事處做一份宣誓聲明, 證明自己既居住地址, 記住跟返各分區辦事處辦理聲明/宣誓時段去.
諮詢服務
|
一周热门 更多>