想請教下大家：關於Marymount

女兒K1及K2在傳統幼稚園讀，但K1時被診斷是輕度自閉，經政府智力中心評估，可以入讀主流學校，無需入讀特殊學校。但我覺得國際學校對此類學生可能比較包容，亦不想強迫女兒考小一，因此K3時幫女兒轉讀國際學校。但老公是天主教徒，一直想女兒讀教會學校，而女兒已領洗，有20分。因此去年9月自行收表時，幫女兒報讀MPS，又好彩入到。老公勁開心，因有妹妹跟尾，簡直是夢想成真，但我反而對轉校心大心細。諮詢身邊朋友，如果仔女已在讀或打算讀國際學校的朋友，個個叫我唔好轉，但仔女已在讀或打算讀傳統學校的朋友，就個個叫我轉，話MPS超正。所以我上來想請教下大家，MPS是否適合女兒。地點和學費不是主要考慮，最緊要適合女兒就得。

女兒其實很外向，一“輪”嘴好多野講，亦會主動講野，但會駁嘴，專注力差，坐唔定，不是受教型，所以我怕教會學校唔中意呢類型學生，或打壓她，令她自信心下降。有朋友話讀下MPS先，唔習慣再轉翻國際學校(妹妹在讀，有sibling priority好容易入得翻)，但我怕這樣轉來轉去打亂女兒的正常生活。請問有無用家知道MPS對SEN小朋友包唔包容？我唔期望有支援，我可以自己俾錢在校外接受訓練，最主要怕學校唔包容或打壓呢類型學生，會影響女兒自信心。同時，我對女兒學習成績期望不大，開心健康成長就可以。請問MPS適合她嗎？多謝大家指教!